Wawili wafa huku wanane wakiokolewa katika mkasa waajali ya ndege za Uganda

Simon Gitau afisaa wa uokoaji kutoka katika shirika la wanyapori nchini Kenya amesema kuwa watu hao waliokolewa kutokana na ndege yao kutoshika moto baada ya kuanguka huku wakipata maiti ya wanajeshi wawili kutoka kwa ndege nyingine iliyoanguka na kushika moto.

Awali,msemaji wa jeshi la Kenya Bogita Ongeri alisema ndege mbili zilikuwa zimepatikana zikiwa zimeungua ila watu waliokuwemo ndani wanaokadiriwa kuwa kumi  hatima yao ilikuwa bado haijafahamika.

Ndege zingine mbili ambazo pia zilianguka katika mlima huo zilipatikana jana na watu saba walikuwa katika ndege hiyo waliokolewa wakiwa hai.

Ndege hizo za kivita zilizonunuliwa nchini Urusi zilikuwa zinakwenda Somalia katika eneo la Kismayo kupambana na wanagamabo wa Al-Shabab mwezi huu wa nane.

AMISOM imekuwa ina wanajeshi elfu 17 wakiwemo kutoka Uganda ambao wanakabiliana na kundi la Al-Shabab.