Cote d'Ivoire - 
Makala iliyochapishwa tarehe : Jumatano 05 septemba 2012 - Taarifa za ivi karibuni : Jumatano 05 septemba 2012

Benki ya Dunia kusaidia Cote d Ivoire kujiimarisha kiuchumi

Rais wa Benki ya Dunia, Jim Yong Kim
Rais wa Benki ya Dunia, Jim Yong Kim

Na Lizzy Anneth Masinga

Rais Mpya wa Benki ya Dunia, Jim Yong Kim, ameanza ziara yake barani Afrika kwa kutoa wito kwa Serikali ya Cote d Ivoire kutafuta amani ili kukuza uchumi wa nchi hiyo.

Kim mwenye umri wa Miaka 52 aliyeanza kutumikia wadhifa wake mwezi July, alikutana na Rais wa nchi hiyo, Alassane Ouattara kwa ajili ya Mazungumzo.
 

Kim ameiambia Cote d Ivoire kuwa ili nchi hiyo kukua kiuchumi ni budi kuwashirikisha Wanawake, halikadhalika kuwapatia ajira vijana.
 

Ouattara ambaye aliwahi kuwa katibu Mtendaji wa Shirika la fedha duniani, IMF alieleza matumaini yake kuwa Benki ya Dunia itaisaidia nchi yake zaidi kwa kuipa Misaada ya kiuchumi, ambayo amesema ilimsaidia kufanya mabadiliko mbalimbali kutoka kwenye mdororo wa kiuchumi mpaka kukua kwa uchumi kwa Asilimia nane mwaka huu.

Katika mazungumzo yake na Ouattara, ambaye kwa sasa anaiongoza jumuia ya kiuchumi ya nchi za Magharibi mwa Afrika,ECOWAS, Kim alitathmini Matatizo ya ukanda huo na namna ambavyo Benki ya Dunia itasaidia katika kupata Suluhu.

Benki ya Dunia imetenga kiasi cha Dola bilioni moja kwa ajili ya Mipango ya maendeleo kwa ajili ya Cote d Ivoire.
 

Mkuu huyo amekamilisha ziara yake nchini humo na anatarajiwa kuwasili Afrika kusini ambapo atakutana na Rais Jacob Zuma.

 

tags: Côte d’Ivoire
MAELEZO
Tuma maoni yako kwa makala haya
Maudhui ya eneo hili yatakuwa ya kibinafsi na kuto kuonyeshwa kwa watu wote.
To prevent automated spam submissions leave this field empty.
CAPTCHA
Swali hili ni kwa ajili ya kupima kama wewe si roboti ili kuzuia spam ya papo kwa papo.
Close