Bunge la Uganda kujadili sheria yenye utata dhidi ya ushoga
Bunge la Uganda linatazamiwa kujadili siku ya Jumanne sheria kandamizi inayotoa kifungo cha hadi miaka kumi jela kwa wale wanaodumisha uhusiano wa mapenzi ya jindi moja, na kulaaniwa na watetezi wa haki za binadamu.
Imechapishwa: Imehaririwa:
Maandishi hayo yanalenga mtu yeyote anayeshiriki katika mapenzi ya jinsi moja au anayedai kuwa katika jamii ya wapenzi wa jinsi moja (LGBTQ), katika nchi ambayo ushoga tayari ni kinyume cha sheria.
"Mswada wa kupinga ushoga uko tayari na utawasilishwa bungeni kwa ajili ya kupigiwa kura mchana huu," Robina Rwakoojo, mkuu wa Kamati ya Sheria na Masuala ya Bunge, ambayo ilichunguza mswada huo, aliiambia AFP siku ya Jumanne. "Tumesikia kutoka kwa wafuasi wa mswada huo na wale wanaoupinga na tumetoa mapendekezo yetu kuzingatiwa na kikao," aliendelea.
Kura hii juu ya mswada huu inakuja wakati nadharia za njama kuhusu suala hilo zikiwa nyingi kwenye mitandao ya kijamii, zikishutumu vikosi vya kimataifa visivyojulikana kwa kuendeleza ushoga nchini Uganda.
Siku chache kabla ya mswada huo kuchunguzwa na wabunge, Rais Yoweri Museveni, ambaye ametawala nchi hiyo ya Kiafrika katika eneo la Maziwa Makuu kwa mkono wa chuma tangu mwaka 1986, alikuwa amewaita mashoga 'wapotovu'. Mnamo Machi 17, polisi wa Uganda walitangaza kukamatwa kwa wanaume sita kwa "mazoea ya ushoga".
Fox Odoi-Oywelowo, mbunge ambaye ni kama mkuu wa nchi wa vuguvugu la National Resistance Movement, alitangaza kwa upande wake kwamba anapinga maandishi hayo, akiambia AFP kwamba anataka "kukuza jamii yenye haki".