Uganda: Polisi wamezuia shambulio la ADF: Rais Museveni

Polisi nchini Uganda limefanikiwa kuzuia kutokea kwa mashambulio ya mabomu yaliyokuwa yatekelezwe na kundi la kigaidi la ADF, Kilomita 50 kutoka jiji kuu Kampala.

Waasi wa ADF wamekuwa wakitekeleza mashambulio nchini DRC na baadhi ya maeneo nchini Uganda © JOHN WESSELS / AFP

Rais Yoweri Museveni, kupitia ukurasa wake wa kijamii wa X, amesema mabomu wawili yalikuwa yametegwa kwenye makanisa katika maeneo ya Kibibi na Butambala, lakini maafisa wa polisi wakabaini mpango huo mapema na kuutegua.

Ugandans, especially the Bazzukulu.
Greetings.

This is to inform you that yesterday, the 14th of October, 2023, our fighter-bombers paid a visit to the ADF terrorists at 4 different points. These points were at: 72kms, 120kms, 69kms and 130kms from the border on the… pic.twitter.com/QYyzHyGOXd

— Yoweri K Museveni (@KagutaMuseveni) October 15, 2023

Aidha, Museveni amesema maafisa wa usalama waliuawa, lakini hakueleza zaidi.

Kiongozi huyo amewataka raia wa nchi yake kuwa macho, akisema baada ya ADF kuendelea kushambuliwa katika nchi jirani ya DRC, wanaendelea kupanga kisasi kwa kutekeleza mashambulio ya bomu katika ardhi ya Uganda

Mwezi Septemba, polisi nchini Uganda walisema walifanikiwa kuzuia jaribio la kundi hilo kutekeleza shambulio ndani ya Kanisa moja jijini Kampala.

Waasi wa ADF wanaohusishwa na kundi la Islamic state walitekeleza shambulio kwenye shule nchini Uganda miezi kadhaa iliyopita AP - Hajarah Nalwadda

Hata hivyo, mwezi Juni ADF inayoshirikiana na kufadhiliwa na kundi la Islamic State kwa mujibu wa ripoti ya Umoja wa Mataifa,  walishambulia Shule ya Sekondari, katika mpaka na DRC na kusabisha vifo vya watu 42 wakiwemo wanafunzi 37.