CAR: Watetezi wa haki za binadamu wakaribisha hati ya kukamatwa kwa François Bozizé
Nchini Jamhuri ya Afrika ya Kati, Mahakama Maalumu ya Jinai ilirasimisha Jumanne kutolewa kwa hati ya kimataifa ya kukamatwa dhidi ya rais wa zamani Bozizé. Kwa upande wa watetezi wa haki za binadamu, uamuzi huu wa SCC ni hatua kubwa katika mapambano dhidi ya kutokujali, lakini Mahakama, ambayo mamlaka yake inahusu vitendo vilivyofanywa tangu mwaka 2003, lazima ihakikishe kwamba wale wote waliohusika na ukiukaji wa haki za binadamu wanachukuliwa hatua za kisheria.
Imechapishwa:
"Kuingia ni rahisi, kutoka ni ngumu. » Hivi ndivyo walinzi wa gereza la Bossembele wanavyowakaribisha wafungwa wao katika “Guantanamo ya Afrika ya Kati”, ambapo unyanyasaji unaweza kusababisha kifo. Kulingana na CPS, Rais wa zamani Bozizé anashukiwa kuwa na jukumu la kibinafsi na la ngazi ya juu kwa uhalifu uliofanywa katika gereza hili, ambapo kituo cha kizuizini kilikuwa kimegeuzwa kuwa gereza la kisiasa na mahali pa mateso.
Kwa mujibu wa Samira Daoud, mkurugenzi wa shirikala kimataifa la Haki za Binadamu Amnesty International kwa Afrika Magharibi na Kati, kumfungulia mashitaka François Bozizé ni hatua kubwa katika mapambano dhidi ya kutokujali. "Tangazo hili kwetu ni hatua ya kutia moyo sana katika kazi hii ya haki kwa waathiriwa. Na linatia moyo zaidi, kwa sababu ni hati ya kukamatwa iliyotolewa dhidi ya washukiwa wa ngazi ya juu,” amesema. Na kama vile CPS, inatoa wito kwa "mamlaka za Guinea-Bissau kutekeleza agizo hili kwa kumkamata na kumkabidhi Rais wa zamani Bozizé, hii ni hatua muhimu sana".
Hata hivyo, hati hii ya kukamatwa ni hatua muhimu sana, lakini bado haitoshi, kwa sababu kulingana na Samira Daoud, angalau hati 25 za SPC za kukamatwa dhidi ya watu kadhaa hazijatekelezwa kwa sasa.
Naye Joseph Bindoumi, kiongozi wa shirika la Haki za Kibinadamu nchini Jamhuri ya Afrika ya Kati, anatoa wito kwa Mahakama Maalumu ya Jinai kufuatilia kesi zote, bila ubaguzi. “Kuna viongozi waliopo leo, wana hati dhidi yao, lakini wanakataa kuwatoa. Inaleta utata. Je, tunataka kweli kuwaadhibu walio na hatia, au tunataka kuchagua watu ambao kukamatwa au utafutaji wao husababisha hisia? ", anauliza.
Mnamo mwezi wa Novemba 2021, muasi wa zamani na Waziri wa Mifugo Hassan Bouba aliachiliwa kutoka jela za SPC siku chache tu baada ya kukamatwa kwake.