Mahakama ya ICC kushughulikia kesi ya ghasia mashariki mwa DRC
Mwendesha mashtaka wa Mahakama ya Kimataifa ya Uhalifu alitangaza, Alhamisi hii, Juni 15, kwamba atafanya uchunguzi wa awali kuhusu uhalifu wa "majeshi na makundi" mashariki mwa Jamhuri ya Kidemokrasia ya Kongo. Uamuzi uliopongezwa na mamlaka ya Kinshasa.
Imechapishwa:
Na mwandishi wetu mjini Kinshasa, Paulina Zidi
Huu ni uhalifu uliofanyika katika kipindi cha miezi 18 iliyopita, hasa katika mkoa wa Kivu Kaskazini, ambao unakabiliwa na mzozo mkali na waasi wa M23, wanaoungwa mkono na Rwanda kulingana na ripoti kadhaa za Umoja wa Mataifa. Tangazo hili la ICC linakuja karibu wiki mbili baada ya ziara ya Karim Khan nchini humo na hasa katika mikoa ya mashariki.
Uchunguzi huu wa awali si lazima utangaze kufunguliwa kwa uchunguzi. Kwa uhalisia, Mahakama ya Kimataifa ya Jinai itaangalia vipengele vilivyotolewa ili kutathmini hali mpya.
Kwa kesi hii hasa, kwa hivyo ni ICC kushughulikia malalamiko yaliyowasilishwa na serikali ya Kongo ambayo iliitaka kuchunguza "makosa ya uhalifu ndani ya mamlaka yake yaliyofanywa huko Kivu Kaskazini kuanzia Januari 1, 2022 hadi sasa". Kipindi hiki kinaangazia mzozo na waasi wa M23, lakini pia hali katika eneo la Beni hasa mashambulizi ya kundi la waasi wa Uganda wa ADF na Mahakama inaweza kuchunguza ukiukaji mwingine wowote.
Kwa hakika, ofisi ya mwendesha mashtaka inaonya: “Uhalifu wote unaotendwa na mtu yeyote, bila kujali kabila au uraia, utachunguzwa. "
Kulingana na ICC, serikali ya DRC imekabidhi hati mpya kuunga mkono ombi lake. Hii ni mara ya pili kwa DRC kufikisha malalamiko yake mbele ya Mahakama hii ya kimataifa. Mara ya kwanza ilikuwa mwaka 2004 kwa uhalifu uliofanywa huko Ituri.