India yarusha roketi yake juani baada ya mwezini kufanikiwa

NAIROBI – India imezindua misheni nyingine juani Jumamosi, wiki moja baada ya misheni ya mwezini kufaulu.

Chombo cha anga cha Aditya-L1 kikipaa kutoka kituo cha anga za juu huko Sriharikota, India, Jumamosi, Septemba 2, 2023. AP

Chombo cha Aditya-L1, kimezinduliwa muda mfupi kabla ya saa sita mchana, na shughuli hiyo kutangazwa moja kwa moja ikionyesha mamia ya watazamaji wakishangilia.

Chombo hiki kimebeba vifaa vya kisayansi vitakavyotumika kutazama jua katika misheni hii ya miezi minne.

Uzinduzi umefanikiwa, na mambo yameenda vizuri, alitangaza afisa wa Shirika la Utafiti wa Anga la India kutoka kwa kituo cha misheni wakati chombo hicho kikielekea kwenye sehemu za juu za angahewa ya dunia.

Iwapo misheni hii ya hivi punde zaidi kutoka kwa Shirika la Utafiti wa Anga la India (ISRO) itafaulu, basi itakuwa ya kwanza kwa taifa lolote la Asia kuwekwa kwenye obiti kuzunguka Jua.

PSLV-C57/Aditya-L1 Mission:

The launch of Aditya-L1 by PSLV-C57 is accomplished successfully.

The vehicle has placed the satellite precisely into its intended orbit.

India’s first solar observatory has begun its journey to the destination of Sun-Earth L1 point.

— ISRO (@isro) September 2, 2023

Misheni hi pia inalenga kutoa mwanga juu ya mienendo ya matukio mengine kadhaa ya jua kwa kupiga picha na kupima chembe katika anga ya juu ya Jua.

Nchi ya Marekani na Shirika la Anga za Juu la Ulaya (ESA) wametuma uchunguzi mwingi katikati ya mfumo wa jua, kuanzia na mpango wa pioneer wa NASA katika miaka ya 1960.

Kadhalika Japan na China pia zimezindua misheni zao za uchunguzi wa jua kwenye mzunguko wa Dunia.

India pia inapanga misheni ya pamoja na Japan kutuma uchunguzi mwingine kwa Mwezi kufikia 2025 na misheni ya obiti kwa Zuhura ndani ya miaka miwili ijayo.