Armenia yakosoa jukumu la Urusi katika mzozo wake na Azerbaijan
Hali imekuwa ya wasiwasi tena kati ya Armenia na Azerbaijan, hata kama mazungumzo mapya ya amani yatatangazwa mjini Berlin katikati ya wiki hii, Yerevan imetangaza siku ya Jumatatu. Mnamo Februari 22, Waziri Mkuu wa Armenia, Nikol Pashinian, aliwahakikishia wenzetu kutoka France 24 kwamba Baku inaandaa vita mpya dhidi ya nchi yake.
Imechapishwa:
Na mwandishi wetu wa kikanda katika Caucasus Kusini, Régis Genté
Waziri Mkuu wa Armenia, Nikol Pashinian, pia anaishutumu Urusi kwa kutofanya lolote kuitetea na kwa hivyo akatangaza "kuzuia" ushiriki wa Waarmenia katika Shirika la Mkataba wa Usalama wa Pamoja (CSTO), muungano wa kijeshi unaotawaliwa na Moscow.
Moscow ilipokea vibaya tangazo la Armenia kwamba ifuta ushiriki wake katika Shirika la Mkataba wa Usalama wa Pamoja (CSTO). Katika mahojiano ya hivi karibuni, balozi wa Urusi huko Armenia, Sergei Kopyrkin, alitoa vitisho, ingawa kwa maneno ya siri, lakini alizungumza juu ya "usaliti".
Kushiriki katika CSTO kunaonekana na Urusi kama ishara ya uaminifu kwa Moscow. Huko, Nikol Pachini haongei kuhusu kujiondoa kwa Armenia kutoka kwa CSTO, lakini tunakaribia wakati muhimu.
Waziri Mkuu wa Armenia pia anazungumza, bila kuficha, juu ya uhaini. Ikiwa atafikia uamuzi huu wa "kufungia" ushiriki wa nchi yake katika CSTO, ni kwa sababu haikuheshimu ahadi zake kwa kutokuja kusaidia Armenia, wakati Azerbaijan ilipoishambulia. Baku leo inachukua zaidi ya kilomita 200 za eneo la Armenia.
Je, kweli Paris inaweza kuathiri hatima ya eneo hilo?
Katika muktadha huu nyeti, Ufaransa inaendelea kulipatia jeshi la Armenia mifumo ya ulinzi. Waziri wa Jeshi la Ufaransa, Sébastien Lecornu, alikuwa Yerevan mnamo Februari 23 katika muktadha huu. Ufaransa imeimarisha uwezo wa ulinzi wa Armenia. Eneo la Armenia linatishiwa sana, haswa na barabara ambayo Azerbajani ingependa kufungua kupitia kusini mwa nchi ili kuunganishwa moja kwa moja na mkoa wake wa Nakhichevan.
Katika muktadha huu, hatari kwa Yerevan inakuja kutoka Azerbajani, na mshirika wake Uturuki, kama kutoka Urusi. Kwa chaguo, kutoka "vita vya pili vya Karabakh" mwishoni mwa mwaka 2020, kuunga mkono Armenia, Paris ilipoteza jukumu lake la kihistoria kama mpatanishi kati ya Baku na Yerevan. Na hakuna mtu anayeweza kusema, katika hatua hii, ikiwa hii ni faida kwa Armenia. Kwa upande wa Urusi ambayo inaiona Caucasus ya Kusini kuwa ni sehemu nyingine katika vita vyake dhidi ya nchi za Magharibi, iwapo itaamua kuiyumbisha Armenia, pengine Ufaransa haitaweza kuja kuisaidia.